Shillong: U myntri rangbah ka jylla u Conrad K Sangma ryngkat ki myntri sorkar kynthup ka kong Ampareen Lyngdoh bad u Marcuise N Marak ryngkata ki ophisar na ki tnad sorkar bapher bapher kila hiar sha shnong Siej na Sohra da ka bos.
Kane ka jingleit jngoh jongki ia kane ka shnong ka long shi bynta ban leit jngoh sha ka jaka kaba kham kynjah bad jar jar na ka jinghui hui hai hai na ka jingbun briew.
Ha ka jingleit jngoh, u Conrad ula ioh iuhkjat ha jingkieng jri ha wah Umkar, ha kaba ula iakynduh ia u bah Hally War, uba thain ia ka jingkieng jri ha katei ka jaka naduh dang khynnah.
U Conrad ula ong ba ka sorkar kan pynneh pynsah ia kane ka jingkieng jri bad kiwei ki jingthaw jong ki briew kiba naduh hyndai.
U bah Hally ula sdang ban thain ia ki thied jri naduh ba u dang 10 snem hadien ba ula iohi ia ka jingeh jong ki nongshong shnong ban kam na shiliang sha shiliang ha kane ka shnong Siej bad mynta u la dap 40 snem.
Mynta ha kane ka jingkieng jri kumba 10,000 ngut ki briew ki wan man ka snem.
Da ka bos shong u Conrad ban leit jngoh ia ka jingkieng jri
