Shillong: Hadien ba la pynbna ban ïakhun ia ka ilekshon MDC kum u kyrtong shimet, u MDC ka Mawlai Bah Teiborlang Pathaw hynne ka Sngi Nyngkong 6 tarik Kyllalyngkot u la ieh noh ia ka kam executive member na ka executive committee ba ïalam da ka NPP.
Nalor ba u la ieh noh ia ka shuki, u Bah Teibor hynne hi ka Sngi u la weng syndon ruh na ka jingkyrshan ia ka excutive committee bad u la phah ruh ia ka shithi ba u la ieh noh ia ka jinglong dkhot jong ka seng National People’s Party (NPP).
Haba kylli halor ka jingkynthoh ba un sa rung biang sha ka NPP hadien ka ilekshon, na ka liang u Bah Teibor uba la pynpaw ba u paidbah u dei uba halor, u la pynthikna ba lada u jop ia ka ilekshon ruh un neh beit kum u MDC laitluid bad un kohnguh beit ia kaei kaba u paidbah u rai.
Risain noh u bah Teiborlang na ka NPP bad kum u EM ruh
