Shillong: Ki MDC ka Congress ha KHADC kila weng noh ia ka jingiatreilang ha ka KHADC ba ialam ka NPP.
Haba pyntip halor kane, u bah Pynshngain N Syiem bad u bah Ronnie V Lyngdoh kila pynbna ba kila rai ban weng noh ia ka jingkyrshan ia ka Executive Committee kaba ialam ka NPP hapoh ka jingialam u bah Pyniaid Sing Syiem kum u CEM naduh mynta ka sngi.
Kane ka rai jongki ban weng ia ka jingkyrshan ka dei hadien ba ka party kam sngew tynnad ban iatreilang bad ka NPP namar ba ka iadon lang bad ka BJP ha ka sorkar jylla.
Lah ban kdew ba kane ka rai ka Congress ka long shwa ka dorbar tlang ka Council kaban long ha ka 19 bad 20 tarik mynta u bnai.
Weng noh ka Congress na ka EC ba ialam ka NPP ha KHADC
