Shillong: Ka kynhun ki jaitbynriew Hindu kiba don ha Shillong kila pylllong ia ka jingiaid rally na Mawbah sha Lad Rilbong, Shillong ban pynpaw pyrshah ia ka jingshah thombor ki Hindu ha ri Bangladesh.
Hapoh ka lama ka Meghalaya Citizen Conscious Forum (MCCF), la pyllong ia ka jingiaid rally kaba jai ban pynpaw ia ka jingpyrshah ia ka jingshah thombor ki Hindu bad ki rit paid ha katei ka ri.
Kila dawa ba ka sorkar Bangladesh ka dei ban leh eiei ban pynsangeh mardor ia ka jingshah thombor ki Hindu bad kiwei ki jaitbynriew.
Ka la kyntu ia ka Nobel Prize Committee ban bishar biang ia ka jingai khusnam Peace Prize 2006 sha u khlieh ka ri Bangladesh ba mynta, u Muhammad Yunus. Kila dawa ba ki kynhun ka pyrthei ki dei ban ujor pyrshah ia u Yunus sha ka International Court of Justice, halor ka jingkynnoh ba um lah ban tehlakam ia ka jingshah thombor ki rit paid.
Kane ka jingiaid paidbah ka sdang na Mawbah sha Lad Rilbong bad wan phai biang sha Mawbah.
Iaid rally ki Hindu na Mawbah sha Lad Rilbong ba shah thombor ha Bangladesh
