Shillong: U myntri ka tnad pule puthi ka jylla u Rakkam A Sangma ula ong ba ka jylla Meghalaya kaba duk, kan shu shong duk raitoi lada ym ioh ia ka jingkyrshan na ka sorkar pdeng.
Haba kren mynta ka sngi, u Rakkam ula ong ba lada ym kyrshan ka sorkar pdeng, tang ban siew tulop ruh kan shem jingeh ia ki nongtrei na ka iarong ka jylla.
U Rakkam ula ong ba ka jingiajan bad ka jingstad u myntri rangbah ka jylla ban pyniadei bad ban pynngeit ia ka sorkar pdeng, kala pyllong ia ka jylla ban ioh shibun ki kam pynroi.
U la ong ba ha ka ioh kam ioh jam, ka sorkar jylla ha ka sien ba nyngkong lyngba ka sienjam kane ka sorkar, la lah ban phah leit trei ia ki samla na kane ka jylla ha ka kam Nurse sha Japan, Australia, London bad kiwei ki ri.
Ula ong ba lada ym dei na kane ka sorkar, kan ym don ka jingplie lad ia ki samla ban ioh kam shabar ri. Kumjuh ula ong ba ka jylla kan ioh ia ka madan football kaba biang tam ha sor Shillong Thymmai shen.
Lada ym isynei ka sorkar pdeng, tang ban siew tulop ruh ym lah, ong u Rakkam
