Shillong: Ka High Power Committee ka la shong bishar mynta ka sngi 4 tarik Nohprah 2024, ia ka jingiaid ki kam jong ka jingtei ia ka iing dorbar thawain thymmai ha Mawdiangdiang.
Ha ka jingialang ba pyniaid u Speaker u Thomas A. Sangma, la don lang u myntri rangbaha u Conrad K. Sangma, Deputy Speaker u Timothy D. Shira, ki Deputy Chief Minister bah Prestone Tynsong bad bah Sniawbhalang Dhar, u MLA u bah Charles Pyngrope, u bah Lahkmen Rymbui, bad u bah Banteidor Lyngdoh, nalor u Chief Secretary bah Donald P. Wahlang bad kiwei.
Ka jingialang ka la pynjlan sa 100 sngi ban pyndep ia kane ka iing dorbar sha ka dorbar synrai jong u snem 2025.
Katkum ka jingong u myntri rangbah, ym kwah ban shu leh kyrkieh bad ka jingpyntrei ka long kaba sani bha jai ban lait na kano kano ka jingthut.
Kane ka jingpynjlan sa 100 sngi ka mut ba ka jingleit shong dorbar ha kane ka iing dorbar thymmai kan sdang pat naduh ka dorbar synrai u 2025.
La iathuh ba u tnum ba khyllem mynshwa u khia 3000 ton katba mynta la pynsting sha ka 85 ton.
U tnum ka iing dorbar uba khyllem mynshwa u khia 3000 ton, mynta la pynsting tang 85 ton
