Shillong: Ka Voice of the People Party (VPP) kala pynbna ia ki kyrtong ba dang sah sha ka elekshon jong ka Autonomous District Council (ADC) ha baroh 29 tylli ki constituency ka Khasi Hills Autonomous District Council (KHADC) bad Jaintia Hills Autonomous District Council (JHADC).
Mynta ka sngi Nyngkong, ka party ka la pynbna biang sa ia 2 ngut ki kyrtong ban aireng ia ka elekshon sha ka Iingdorbar Thaw Ain ha KHADC bad 5 ngut ha JHADC.
Dang shen, ka VPP kala pynbna ia 27 ngut ki kyrtong ki ban iakhun ia ka elekshon jong ka KHADC bad 24 ngut jong ka JHADC.
Ha KHADC, ki kyrtong kiba la pynbna mynta ka sngi ki long u Bah Kynjohlang Rangtong na Mawhati bad kong Deity Majaw na Laitumkhrah-Malki constituency.
Katba ha JHADC, kiba la pynbna mynta ka sngi long u Dr Samely Shylla na Amwi-Khliehtyrshi, Bah Thiyo Lapasam na Saphai-Sahsniang, Bah Soki Lapasam na Muthlong-Sohkymphor, Bah Tyngshain Phawa na Khliehriat-Rymbai bad Bah Prince Sukhlein na Saipung-Nongkhlieh.
Pynbna lut ka VPP ia ki konstitwensi ba dang sah sha ka MDC elekshon
