Shillong: Uwei u rangbah uba la kyrdi ha u drok, ula phla shem mynsiem ba ula kylla bamut na ka jingktah ka mynsiem bakhuid haduh ba un lah ban kylla ia ka jingim jongu.
Ia kane u la phla mynta ka sngi ha ka jingiasyllok kaba la khot ka DREAM ha Shanti Bhavan, Shillong kaba pyniaid ka Sisters of the Missionaries of Charity mynta ka sngi hapoh ka jingialam u Mission Director ka DREAM u bah Bah Francis Kharshiing.
Une u rangbah uba la trei kam sorkar bad u ioh tulop kaba heh, u la ong ba mynshwa ha ka por ba u ngop ha u drok, u ju iashong bad ki paralok ha Bombay Restaurant ha Laitumkhrah, Iewmawlong ban iakhleh kyiad, iakhleh drok ban iadih. U la ong ba man ka sngi hapoh ophis u buh kyiad ha drawar ka shuki hapoh ophis jongu bad ka jingim ka long ba um khein snep shuh ia la ka jingim.
Dei ha ka por ba um tip briew shuh ha kali ba ki paralok kila rah sha jaka sumar ha Robert Hospital bad dei na kane, ula sdang ban kylli ialade, kaei kane bad hadien ba u la shim shuti na ka kam, u bymman u kren man ka sngi, balei u don ha ka pyrthei, kaei ka jingmut hynrei u iathuh iano iano ruh. Dei ha kawei ka sngi u Blei, ba u khie mynstep bad u thoh ia ka kot ha kamra thiah ba naduh mynta kin ym iohi shuh ia u bad ula pyrshang ban pyniap ialade bad ynda ula kyndit ula lap ba u don ha Civil hospital, Shillong bad ula sngew lehrain haduh katta katta ialade.
La don ka jingkren ba ka la ktah ia u bad ula iam bad jaw ummat bad ula leit biang ha 2001 hynrei um suk bad u shim shuti biang bad dei ha 2023 ha ka por ba u thiah pang, la wan ka sur kumba la pyllait ia me, khie leit ban leh lem ia kiwei, bad u la jaw um mat bad mynta ula trei ha KJP Synod ban iarap lem ia kiba ngop ha u drok.
Ktah u mynsiem bakhuid ia u rangbah ba dih drok ban kylla bamut
