Shillong: Ka tnad pule puthi ka sorkar Meghalaya kala iasoi ia ka jingiateh bad ka National Stock Exchange (NSE) ban ai ia ka jinghikai ia ki samla pule ha ka kam bank, insurance bad kiwei.
Kiba la sakhi lang ha kane ka jingiasoi ki long u myntri rangbah u Conrad K Sangma, u myntri ka tnad pule puthi u Rakkam A Sangma, u Chief Secretary bah Donald P Wahlang bad ki heh ka NSE.
U myntri rangbah ula ong ba ka jingtip bad ka jingsngewthuh shaphang ki kam pisa pilaiñ bad ki sap ki dei kiba donkam ia ki nongsengkam bad ki samla kane ka jylla ki duna bha ha kane ka bynta.
Ula ong ba lyngba ka jingiasoi, ka NSE ka ai ka jinghikai kaba paka ia ki samla ban shim ia kano kano ka rai halor ka kam pisa tyngka, ban kiar na ki jingmih kiban ktah ia ka pla tyngka bad ban iarap ba kin shim ia ka rai kaba dei ha ki kam jongki.
Iateh ka tnad pule puthi bad ka NSE ban ai jinghikai ha ki kam pisa pilaiñ
