Shillong: Ka jingdon ki nongdie madan ka la wanrah ia ka Jinghui hui hai hai ha lynti syngkieng, hynrei ha kajuh ka por, ka la pynwit ruh ia ki nongiaid nongieng namar ba ka lynti kaba khim bad kaba khapngiah.
Ha ka jingtwad jingmut na ki nongiaid nongieng kila pynpaw ba ka jingdon ki nongdie madan, kiba shong ha lynti syngkieng ka la pynwit iaka iaid ka ieng bad kila ai jingmut ba ka sorkar ka la dei ban buh ia ki jaka ba kin shong die madan, ym ban shu shong pathar, kaba la pynwit ia ki paidbah.
Hynrei ki don ruh kiba sngew ba kampher namar ba ka dei ka jingkamai jakpoh jongki.
Na ka liang ka president ka seng ki nongdie madan, ka kong Biolin Pyrtuh ka la ong ba ka jingkhapngiah ka lynti, ka dei namar ba don ki nongdie madan kiba thymmai kiba wan shong die madan nalor kiba la don lypa.
Ka la ong ba ki dkhar kiba la rung dkhot bad ka seng, ki dei tang kito kiba la biang ki kot ki sla kum ka dur thep vote ne EPIC hynrei kiba bun ki dei ki Khasi.
Ka sur kiba iaid ba ieng halor ki nongdie madan ha lynti
