Shillong:Ka jylla Meghalaya ka la pynkhreh ia ki Nongrwai nongtem kiban wan ban pynshongshit ha ka tamasa Me Gong Festival,2024 kaban long ha Jenjal, Baljek Airport, West Garo Hills.
Ha kane ka tamasa ka tnad Kam Jngohkai ka sorkar jylla ka la khot ia ka kynhun nongtem ba paw ka ri ka Band ‘Europe’, u Gajendra Verma, Indus Creed, Euphoria, Uddita Goswami nalor kiwei de.
Na bynta kane ka tamasa la khmih lynti ba ka jingwan sakhi ki paidbah kan long kumba 3 lak eiei.
Kane kan dei ka tamasa kaba ar sngi kynthih kaban sdang naduh ka 29 bad yn pynkut ha ka 30 tarik Naiwieng 2024.
Ka jingpynlong is kane ka tamasa kan long kumban khring is ki paidbah na kylleng ki jaka bad kumjuh kan long ruh kum ka rynsan ia ki kynhun nongtem ka jylla ba kin pyni is ki sap ba ki don ha ka rwai ka put ka tem.
Ki katto katne ki kynhun nongtem ka jylla ki ban tem ha kane ka tamasa kin kynthup ka Da Suraka na Garo Hills, Summer Salt na Shillong bad yn don ruh ka jingpyni nam ia ki riam tynrai ka jylla bad ka thain Lammihngi.
29 & 30 tarik yn pyntdem thui ki nongrwai nongtem ba pawnam ha Tamasa Me Gong
