Shillong: Ki pulit ka Patharkhmah Police Station, Ri-Bhoi kila kem ia uwei u briew uba la kynnoh ba u leit byrngem siat da ka pistol khlem license ia u briew ha iing sah jongu ha Umkhawai.
Katkum ka kyrwoh na ki pulit, kila ioh ia ka jingujor ha ka 18 tarik mynta u bnai na u bah Tarmal Mawthoh na shnong Umkhawai ba ha ka por 12 baje myn sngi, uwei u briew uba kyrteng u Melan Syngkli ula leit sha iing jong u Suntosh Marbaniang bad byrngem ban siat ia u Balwan Mawthoh da kaba pyni da ka pistol bad ula byrngem ruh ban siat ia u Santosh Marbaniang bad ka kyiaw jong u, ka kong Twilen Mawthoh da katei ka pistol, lada ki leit pyntip sha ki pulit.
Halor kane, hadien ba ki pulit kila tohkit, kila leit ban kem ia une u Melan Syngkli bad kila ioh kurup ruh ka pistol khlem license ryngkat 4 tylli ki kuli. La pynngat kyndon ain ia u ha Patharkhmah Police Station bad ka jingtohkit ka dang iaid.
Da ka pistol khlem license, byrngem siat hapoh ïing, shah kem syndon
