Shillong: U khun jong u Virender Sehwag, u Aaryavir Sehwag ula kamai ia ka double century ia ka kynhun ialehkai ka Delhi ba kan lah ba kan the lakam hi skhak ia ka Meghalaya ha ka sngi kaba ar jong ka jingiakhun ia ka U-19 men’s Cooch Behar Trophy Elite Group A ba la long ha madan jong ka mca, ha polo.
Tad hduh ba kut ka sngi kaba ar, ka kynhun ialehkai ka Delhi ka la l;ah ba kan kamai 468 ron hadien ba ka la hap noh 2 wiket bad ba kan tam kylla da 208 ron ia ka Meghalaya, kaba la lah ba kan kamai 260 ron ha ka pali wan tied ba nyngkong ka jong ka, kaba hangne u Aaryavir, u la lah ban kamai thik 200 ron bad kyrshan pat ia u na sh shilliang da u Dhanya Nakra uba la lah ban kamai 98 ron, katba u Arnav Bugga, u la seng ia ka nongrim ba khlain ia la ka kynhun ban kamai 114 ron.
Kane ka jingskhem bha ka rukom ialehkai ki batsman jong ka Delhi, ka pynlong ia u kapten jong ka Meghalaya u Dipankar Baruah ba un kylliang ne ban bujli ia la ki bowler na kawei ka por sha kawei pat, hynrei kane kam shym la don jingktah eiei ia ki batsman ka Delhi kaba I kumba ki bang bad sngewtynnad bha ban ialehkai ha kane ka madan.
Haba phai biang sha u Aaryavir, ym lah ban len ba dei ma u, uba la lah shisha ban pynshoh biej ia ki khmat ki nongwan peitkai ia kane ka jingiakhun, namar u da pynpaw shisha ia ka sap ba tbit bad ba pnah bha ka jong u ha ka batting, katno tam lei lei ban pynpaw ia ka rukom tied (shots) ha baroh ki bynta ka madan.
Shwa ia kane, ka Meghalaya ha ka pali wan tied ba nyngkong ka jong ka ka la lah ba kan kamai sa 21 ron na ka 239 ron naka bynta 7 wiket ba ka la lah ban kamai ha ka sngi ba nyngkong, ha kaba u Kshitij u lab bteng ban kamai 62 ron katba u Angkit Tamang, 29 ron.
Kumta kei kaba sah ka long ban peit ban khmih ba haduh katno ka Delhi kan kamai bad khylliap ia la ka pyrda ka jong ka ha shwa ba kan ailad biang ia ka kynhun ka Meghalaya ba kan wan ba kan tied ia ka pali kaba ar.
2 tylli ki 100, kamai u khun u Sehwag ia ka Delhi ha ka U-19 Cooch Behar Trophy
