Shillong: U myntri sorkar jylla u bah Kyrmen Shylla u la pynpaw ia ka jingkyrmen skhem ba ha kawei ka sngi, yn ioh ban tih dewiong ha kane ka jylla, watla ka donkam ban iai shah.
Haba kren mynta ka sngi, u bah Kyrmen uba dei u MLA na Khliehriat kaba jur bha ban pynmih dewiong shwa ban shah khang, u la ong ba ki paidbah ki don ka jingkyrmen kaba skhem hapoh ka jingialam u myntri rangbah ban ioh biang ban tih ia u dewiong.
U la ong ba mynta ki paidbah kila lah ban kam ba u dewiong u dei jong ki paidbah, bad kumjuh ka jaka ka puta. U la ong ba lada ym lah ban urlong mynta, ka lah ban long lashai ruh.
U la ong ba hadien ba la sdang ia ka kam, yn sa tip khambha kumno ban pynbha ia ka rukom tih ia u dewiong bad kam mut ba ym lah ban leh khlem da pyrshang shwa.
U myntri u la ong ba bun kiba la aplai ban ioh tih dewiong bad kane ka pyni ba kiba bun ki lah ban tih dewiong katkum ka juk stad mynta bad yn kham tip bha hadien ba kila sdang ia ka kam.
‘Ngin ioh beit ban tih dewiong ha kawei ka sngi’, ong u bah Kyrmen
