Shillong: U myntri ka tnad Excise ka jylla u bah Kyrmen Shylla u la ong ba ka jingwanrah ia ka lynti rel, ka shong nyngkong ha ka jingpdiang jong ki paidbah.
Haba kren halor kane mynta ka sngi, u la ong ba un khot ia ka jingialang bad ki paidbah halor kane ka kam, hynrei kam mut pat ba u kwah ma u, hynrei ka shong ha ka jingpdiang u paidbah ban iakren ia kane ka lynti rel.
Ka la don ka jingthmu ka sorkar jylla ban wanrah ia ka lynti rel shaduh Jaintia Hills khnang ban pynsuk ia ka leit ka wan jong ki paidbah.
U la ong ba ia kane ka kam, hap ban iasyllok shwa ia ki paidbah, ki kynhun bapher bapher shwa ban iaid shakhmat ne ban sangeh namar ba ka don beit ka jingduh bad ka jingioh nong haba wan ka lynti rel, hynrei kaba kongsan ka long ha ka rai jong u paidbah.
Ka shong ha ka jingpdiang u paidbah lada ki kwah ne em ia ka lynti rel, ong u myntri
