Shillong: Mynta ka sngi u myntri rangbah u Conrad K Sangma ula plie ia ka Integrated Command and Control Centre, ha Umsawli, Shillong, kaban long kum ka jabieng ka Smart City ka sor Shillong.
Haba kren ha ka jingplie ia kane, u myntri rangbah ula ong ba ka ICCC ne ka Integrated Command and Control Centre kan long kum ka jabieng ka nongbah Shillong na ka bynta ban peit, ban plan bad ban pynwandur bad ban pynbeit ia ki jingeh khamtam ka jingsahkut kali.
Kane ka sienjam ka don shibun ki kam ban leh lyngba ka buit stad Information Technology bad ka Application Programming Interface (API) kaban iarap ia ka sorkar ban shim ia ka rai ha ka por kaba biang ia kano kano ka bynta.
Ka Integrated Command and Control Centre kan long ka shlem ban pyndonkam ha ka por ka jingjia, ka jingsam jingtip, bad ka jingpyniaid ia ka nongbah man ka sngi.
U la ong ba ki tnad sorkar kum ka tnad Information Technology, tnad Pynroi sor, ka tnad pulit, kin pynwandur ia ki rukom treikam na bynta ban pynbha ia ki kam ki jam ha ka nongbah Shillong bad ban pyllong kum ka Smart City.
Ha ka Integrated Command and Control Centre la buh 30 tylli ki jaka treikam, bad 20 tylli ki jaka treikam. La buh ia ki CCTV ha ki 96 tylli ki jaka ha ka nongbah, 20 tylli ki nar ba pyndait CCTV bad 20 tylli ki jaka ba la buh ia ki pyrda pyni ne Variable Message Display.
Ka ICCC ha Umsawli ka long kum ka jabieng ka sor Shillong
