Dang khan dang pyrkhat ka sorkar halor ka jingdawa thungkam pura ki nonghikai SSA, ong u myntri

Shillong: U myntri ka tnad pule puthi ka jylla u Rakkam A Sangma ula ong ba kan shim ia ka por halor ka jingdawa ki nonghikai SSA ban thungkam pura.
Mynta ka sngi, u Rakkam ula ong ba ban leh ia kano kano ka kam, hap ban bud thik pa thik ia ki kyndon, ki rukom pyniaid, ym ban shu leh mar mar khlem da pynshong nongrim khlem da thew da wah shwa, ioh ba kan kyrtok kylla pynban. Ula ong ba ka sorkar ka dang pyrkhat, dang bishar ia kane ka jingdawa ki nonghikai SSA ban pynbeit ia ki jingeh jongki.
Ha kajuh ka por, ha kaba iadei bad ka jingdawa ki nonghikai SSA ban bhah kam 70 percent ia ki ha ka jingpynrung kam ka nonghikai ha ki skul sorkar, u myntri ula ong ba ka jingthung kam ka shong katkum ka jingtbit hadien ba ka sorkar ka la pynjlan ia ka rta sha ka 40 snem ban ailad ia ki ban aplai tangba kan shong katkum ka jingtbit.