Shillong: Mynta ka sngi, la sakhi ia ka jingjngi ka liengsuin duriaw ne seaplane ha pung Umiam, kaba long shi bynta ban khring bad kyntiew ia ka kam jngohkai ha kane ka jylla rilum, Meghalaya.
Ka sorkar jylla ryngkat ka jingiatreilang bad ka tnad Civil Aviation ka sorkar pdeng, kala pynher ia kane ka liengsuin duriaw bad kan jngi ruh ha pung Umiam.
Kane ka liengsuin duriaw ka lah ban dem bad her na sla um ruh.
Kane ka long shi bynta ruh na ka RCS-UDAN scheme ka sorkar pdeng, ha kaba kan pyniar shuh sa sha kiwei ki jaka.
Ia kane ka prokram la plie u myntri ka tnad Civil Aviation ka sorkar pdeng u R. Naidu Kinjarapu ryngkat ka jingdon lang u myntri rangbah ka jylla u Conrad K Sangma bad kiwei.
Ka kompeni SpiceJet kan pyniaid ia kane ka leingsuin duriaw kaba la wanrah da ka De Havilland Aircraft na ri Canada.
Jngi ka liengsuin duriaw ha pung Umiam, yn khring ia ki nongwankai
