Shillong: U president ka NEHUSU u samla Sandy Sohtun ula ong ba ka sorkar jylla bad ka sorkar pdeng ka dei ban weng noh shwa mardor ia u Vice Chancellor ba mynta u Prof. Prabha Shukla Shankar bad kin sa iakren.
Haba kren mynta ka janmiet, u samla Sandy ula ong ba kaba lyngngoh ka long ba mynta ka sngi, la pynmih ia ka jingpynbna na ka AR Planning kaba ju dei ban pynmih da u Registrar. Kane ka jingleh ka la pyni ba u VC ula nang leh donbor shuh.
U samla Sandy ula ong ba ka jingthung ia ki Pro VC, ki samla pule kim kwah shuh hynrei kaba kongsan ka long ba u VC u dei ban hiar shuki shwa. U la ong ba baroh kim dei ban iadon bynta ha ka jingialang kaban pyniaid u Prof. Shukla.
U la kam ba baroh ki samla, ki nonghikai bad ki nongtrei kila duh ka jingshaniah ha une u VC bad u dei ban hiar shuki noh mardor.
Lah ban kdew ba ka jingiakhih shah thngan ki samla pule ka NEHU ka la iaid sha ka 200 kynta haduh mynta ka sngi.
‘Weng shwa ia u VC, ngin sa pyrkhat aiu ban leh’, ong u President NEHUSU
