Shillong: Katkum ka tyllong khubor na ki pulit, u Acting Registrar ka NEHU ula mudui da ka ejahar halor ka jingjia shah pynpait iit ka kali u Vice Chancellor u Prof. Prabha Shukla Shankar bad ka jingpait ia ki iing, ki shuki ha ka jaka sah jong u. Ka la don ruh ka jingpynjulor ia ka CCTV ha katei ka jaka, kaba la suba jur ba ka la jia mynta ka step phyrngab.
Ki Pulit kila register case halor kane ka jingjia, la ong u SP (City) u Dara Ashwagosh ha kaba ula pyntip ba ki Pulit kila phah ia ka kynhun ban pahara ia ka jaka sah u Vice Chancellor.
U SP ula ong ba u VC um shym la don satia ha iing sah ha ka por ba shah hiar thma ha ki riew runar bad ula bynrap ba ki Pulit ki dang tohkit ia kane ka jingjia. Ula ong ba ka jingtohkit ka dang iaid shakhmat bad ym pat shym la kem briew satia iano iano ruh halor kane ka jingjia.
Shuwa kane, u SP nalor ki District Magistrate kila khang ia ki samla pule ban pynlong ia ka jingiaid paidbah ba jai jai lyngba ka Iingsah u Vice Chancellor.
Ia kane ka jingiaid paidbah ba jai jai la pynlong da ka Research Scholar Forum of NEHU kiba kyrshan ia ka jingdawa jong ki samla pule ba iakhih.
Ujor ejahar u acting registrar ba pynpait ïit ka kali u vc, bad ka jaka sah
