Shillong: U wei u rang ialeh ka Ri India u samla Aibok Madur u ba dei na ka shnong Mawbri, Ri Bhoi District, u la aiti ia la ka jingim namar ka Ri ha Siachen Glacier, jammu kashmir. U Aibok u don ha ka kynhun GOC, Fire and Fury Corps jong ka Indian Army. Une u Samla u la aiti ia la ka jingim ha ka jingiakhun bad ki nongshun ha ka 7 tarik mynta u bnai. Na ka liang ki heh shipai ka ri ki la pynpaw ia ka jingsngewlem jong ki na ka bynta jong u bad ki bahaiing jong u.
Ia ka met jong u la pyndep noh hynne ka sngi ha mawbri ha ryngkat ka jing lehdonburom khatduh ha ka dustur jong ki shipai. Shuwa ban rah ia ka met jong la don ruh ka gun salute.
kaba sngewsih ka long ba wat na ka liang ka sorkar ne kino kino ki nongmihkhmat kim shim la kren eiei shaphang kane ka jingjia kat haduh ba la pyndep noh ia ka met jong une u riewshlur.