Shillong: Ka Khasi Students Union (KSU) ka la pynrem jur ia ka jingleh kuman u Vice Chancellor u Pro. Praba Shukla Shankar ban kuman ia ka jingdawa ki samla pule ban hiar shuki noh mardor.
Haba kren mynta ka sngi, u General Secretary ka KSU u samla Donald V Thabah ula ong ba kane ka jingleh u VC ka pyni ba um pyrwa eiei ia ka NEHU bad kumjuh ia ka jingeh jong ki samla pule. Hynrei ha kajuh ka por, u la ong ba ka seng kan ym pyndem bad kan iakhun ia kane ka jingpyneh u VC bad u la iawer ia ki paidbah ban leit iasoh kti lang ban ai jingkyrshan ia ki samla pule ka NEHU na bynta ka jingbit jingbiang kane ka skulbah.
Ki samla pule ka NEHU kila pyllong ia ka jingiakhih da kaba shah thngan ha NEHU ban pynbor ia u VC ban hiar shuki noh hadien ba ula pyneh beit triang ban weng noh ia u Registrar bad u Deputy Registrar.
La don bun ki samla pule kiba la shah rah sha jaka sumar hadien ba kila kem pang na kane ka jingshah thngan.
Pyneh triang u VC ban risain: Ka pyni ba um pyrwa ia ka NEHU ne ia ki samla pule: KSU
