Shillong (PIB): Ka National Scholarship Portal (NSP) ka la sdang pdiang ia ki application na ka bynta ki Post-Matric Scholarship hapoh ka skhim NEC Merit Scholarship na ka bynta ki khynnah pule kiba dei na ka thain shatei lammihngi na ka bynta u snem 2024-25.
Ka Sherry Lalthangzo, Economic Adviser (E&M), ka la pyntip shaphang ki jingdonkam ban ioh ia ka skhim NEC Merit Scholarship Scheme. Ki nongbuh application ki dei ban long ki nongshong shnong jong kano kano ka jylla hapoh ka thain shatei lammihngi bad ki dei ban pule ha ki jaka pule ba la ioh jingithuh bad kiba pule ia ki course bapher bapher (Diploma, Graduate, Post Graduate, bad PhD/MPhil) ha India, hapoh bad shabar ka thain shatei lammihngi. Donkam 60% ki marks ha ka eksamin ba dang shu pyndep, bad ka ioh ka kot jong ka kmie u kpa lane u nongsumar kam dei ban tam ia ka T. 8.00 lak.
Ki kot ki sla ba donkam ban buh application ki kynthup u number phone, , Aadhaar (UID) Number, ka bank account ba la pyniasoh bad u Aadhaar, ka syrnot jong ka jingkamai, ka syrnot na ka jaka pule. Ki khynnah pule ki lah ban apply online lyngba ka rynsan National Scholarship da kaba pyndonkam ia une u link hapoh: [https://scholarships.gov.in](https://scholarships.gov.in).
Ban ioh jingtip shuh shuh, lah ban download ia ki kyndon shaphang ka NEC Merit Scholarship na ka: [NEC ScholarshipGuidelines](https://scholarships.gov.in/public/schemeGuidelines/NEC_1234_G.pdf).
Lada don ki jingkylli, ki samla pule ki lah ban phone ia ka North Eastern Council Secretariat.
La plie mynta ia ka rynsan National Scholarship na ka bynta ka skhim NEC Merit Scholarship
