Shillong: Ka seng United Democratic Party (UDP) ka la lah ban kynduh mawsiang ha West Shillong hadien ba u nongialam barim uba bat kum u Organising secretary u bah Gerrald Shullai lem bad kiwei ki nongkyrshan, ula mih noh ban leit iasoh sha ka seng Congress.
Ym tang na ka UDP, kiba la pyniasoh sha ka seng Congress mynta ka sngi ki dei ruh na ka BJP, NPP, VPP ruh.
Ia kine ki nongialam la pdiang u President ka Meghalaya Pradesh Congress Committee (MPCC) Bah Vincent H Pala, ryngkat u President ka Shillong City u Dr. Omarlin Kyndiah ha ka jingialang ha Congress Bhavan, Shillong.
U bah Gerrald ula ong ba um don eiei ban kynthoh ia ka UDP kaba ula don baroh shi katta hynrei ula mih noh ban iasoh sha ka Congress namar ba u iohi ka don ka lawei ha ka Congress.
Haba kylli balei u phet noh, u bah Gerrald u la ong ba um don eiei ban kynthoh ia u bah Paul ne iano iano hynrei watla u bah Paul u dei uba stad hynrei marwei um lah leh eiei ha ka party.
U bah Paul uba stad, hynrei marwei ym lah leh eiei ha ka party: Gerrald
