Shillong: Ka sorkar jylla mynta ka sngi ka la pynjari da ka ain shna ing ne building byelaw ha ki ktem karkhane ne industrial estate ha ka jylla.
Haba pyntip halor kane, u myntri sorkar u bah Paul Lyngdoh ula ong ba ka sorkar ka la shim ia kane ka sienjam ha kaba ki kompeni ki hap ban bud ia ki kyndon shna ia ki jingtei jongki, katkum ka Building byelaws ka sorkar, khnang ban iada na kano kano ka jingma.
U la ong ba ki ktem karkhana kin sa mih kum ha New Shillong kum ha Mawkhanu, Mawksiang kiban long kum ki ktem karkhana.
U bah Paul ula ong ba ka jingpyniar ia ka nongbah kan jia khamtam ha ka Shillong ba thymmai bad ka la donkam ban plan bha ha ka dur ka dar katkum ka juk stad bad na kane ka daw, ka donkam ia ka ain shna iing.
U la ong ba ha kane ka jingmynjur ia kane ka ain shna iing, la bynta ia ka jingshna ia ki jingtei katkum ka kyrdan bapher bapher bad hap ban bud ia ki kyndon shna iing ka Meghalaya Building Byelaws 2024, ban wanrah ia ka jingshngain.
U la ong ba ki jaka kum ka Mawkhanu bad Mawkasiang, yn sa don ka ktem karkhana ha ki jaka jong ka sorkar jylla.