Shillong: Mynta ka sngi, ka kynhun ki Village Defence Party (VDP) ka Nongstoin Area kila kynduh ia ka DGP ka jylla ka Kong Idashisha Nongrang ban pynsngew ia ki mat ba ki iakynduh.
Haba kren sha ki lad pathai khubor, u President ka VDP Primary Nongstoin Area u bah mawkordor Syiemlieh ula ong ba bunsien ki VDP kila ju shah byrngem byrsit ha ki runar hynrei kim salia namar ba katba ki nang byrngem, ka long kumba ai mynsiem ban iakhun pyrshah ia ki kam sniew.
Ula ong ba la pynsngew ha ka DGP ia ka jingeh jong ki VDP namar ba man ba ki ioh ban bat ia ki runar kiba leh kam sniew, ki hap ban leit hajir lang bunsien bad kane ka ktah ia ka por bad ka jinglut. Ha kajuh ka por, ula ong ba kila pynpaw ia ka jingsngew kmen halor ka jingkular ka DGP ban pynheh ia ka bai sha sha ka 3000 tyngka bad ban ai ruh ka sopti uniphom ia ki VDP ban pyndonkam haba pahara ia ka shnong.
Ki VDP Ha Nongstoin Kia shah byrngem bunsien ha ki runar
