Shillong: Ki pulit ka Pynursla Police Station kila hiar biang ban pynpra sa kawei ka shrip bad ka jingkerkut ia ki dohkha ha wah Umsong, kaba hap ha ka thain Nongkwai bad Wahlakhiat.
Shwa ia kane, ki pulit kila pynpra ia ka shrip bad ka jingkerkut ha kane kajuh ka wah ha ka jaka kaba hap ha ka thain Nongryngkoh.
Ia kane ka jingpynpra la leh ha kane ka taiew, halor ki nongrim bad katkum ki kyndon ka Indian Fisheries Act, 1897 bad katkum ka kyndon ka United Khasi Jaiñtia District Fisheries Act, 1954.
Ka bor synshar District bad ka Sub Divisional Officer ka don ia ka bor katkum ka kyndon ka Bharatiya Nagarik Suraksha Sanhita (BNSS), 2023 ban mana bad pynshitom ia kiba pyniap pathar ia ki dohum dohwah bad kumjuh ia ki mrad ki mreng
Kane ka rukom riam ia ki dohkha dohum ka la long kumba pyniap pathar namar ba da ki spah bad hajar kin ngat ha kane ka jingriam bad ki lah ban duh jait lada ym khang lad.
Haduh mynta, ki pulit kim pat rejister mukotduma ban leit thwet ia kiba leh ia kane ka kam.
Pynpra biang ki pulit ia ka shrip riam dohkha ha wah umsong, ym pat rejister mukotduma
