Shillong: Hadien hynriew snem ba ka sorkar ka la khang ban iaid kali na Mawlonghat sha Themiewmawlong kaba sah ki kharmetor ne Harijan, yn shah ban iaid biang naduh ka 4 tarik Naiwieng 2024 ban wan.
Ha ka jingpynbna mynta ka sngi, ka Deputy Commissioner ka East Khasi Hills ka la pyntip ba ka por ban iaid na katei ka surok kan long hapdeng 8baje mynstep haduh 4 baje janmiet.
Ka surok na Motphran sha Mawlonghat bad Punjabi Lane yn shah ban iaid tang shiliang ne one way bad ym shah ban iaid na Mawlonghat sha Motphran.
Ki kali ki lah ban ieng na Motphran sha Mawlonghat katba ka jaka ieng ki bos ha Them Iewmawlong, yn pynkynriah noh sha MUDA parking lot pyrshah ka Anjalee Cinema Hall.
Baroh ki kali naduh ki bos, kiba ieng ha thain Mawlonghat sha Punjabi Lane ki hap ban iaid sha Bimola.
Baroh ki kali kiba ieng ha Mawlonghat haduh Anjalee Cinema Hall-Old Cherra kin iaid sha Old Cherra. Ki bos kin hap phai na lad Grand Hotel sha Boucher Road bad ym shah ban iaid sha Khyndai Lad.
Ki bos saw STPS kin iaid sha Jeep Stand – District Council bad ym shah ban phai Bimola hynrei ki kali rit lah ban iaid sha Motphran bad Grand Hotel.
Ki kali ki hap ban iaid na Motphran sha Mawlonghat sha Punjabi Lane bad Anjalee Cinema Hall – Old Cherra point.
Ym shah ban ieng na Mawlonghat sha Bimola. Ym shah ban pynieng kali baroh ar liang ka surok ha Boucher Road bad yn ym shah ban ieng naduh Grand Hotel/
Umsohsun shaduh Motphran point.
Hadien 6 snem la plie biang ban iaid kali na Mawlonghat sha Bimola lyngba ka Them Iewmawlong
