Shillong: U ñiangphlang um ju mih por myn sngi hynrei u mih bha napoh khyndew ha ka por janmiet ban kiew sha ki phlang bad bam ia ki. Une u khniang u shong hapoh kyndew shwa ba un kylla thapbalieh pat hadien na ka jinglong khniang.
U dei u jait khniang uba bang uba khlein bha ban bam ha ka por ba u long khniang.
Shi bynta ban lehkmen ia kane ka jingwan mih une u khniang, ka Synjuk Ki Hima Arliang Wah Umiam Mawphlang Welfare Society ha ka ka 26 tarik Risaw 2024 ha shnong Umsawmat, kaba hap ha Hima Lyngiong.
Ka jingmut jong kane ka tamasa ka long ban pynneh iada ia ki kynja ba im bad ban ai ka jingshai sha ki nongshong shnong bad kumjuh ban ai jingkyrshan ia ki Sefl Help Group kiba hap hapoh ka jingpeit jong kane ka Society.
Kawei pat ka long ban kyntiew ia ka kam jngohkai ban khring ia ki nongwankai.
I kong Birona Marbaniang Iwei na ki dkhot ka Self Help Group ila pynpaw ia ka jingkyrmen ba ka sorkar kan phai khmat lem sha kum kine ki tamasa kiba dei na kane ka thain namar ba ia kane ka tamasa la pyllong ba kiba wan kin leh da ka akor ka burom ym ban iadih kyiad.
Ka Lady Community Facilitator jong Hima Lyngiong, samla Aitiyoris Rani ka la ong ba ha kane ka tamasa la wanrah bad pynpaw nam ia ki tiar ki tar, ki jingbam tynrai jong ka thain. Ka la ong ba ka jingpyllong ia kane ka tamasa ka long ruh ban iarap kyrpang ia ki Self Help Group ba kin ioh ban kynshew pisa ba kin trei pat ia ki kam. Ki don 22 tylli dukan die niangphlang bad kumba 100 kilo u ñiangphlang la ioh ban die bad bam ha kane ka tamasa.
U ñiangphlang u mih janmiet, u kylla thapbalieh ruh shwa ba un wan mih biang
