Shillong: U Samuel Shylla bad ka Phibahunshisha Ryngkhun ki la ioh ba kin rah ia ka nam Nai Khatsaw Synñia bad Lukhimai, jong ka tamasa Na Thymmei Festival kaba ar sngi ba la pynlong da ka Seng Khasi Kmie, Shillong, ha lympung Weiking Jaiaw.
Ha kane ka jingiakob la don mar 15 ngut ki rang bad ki thei smla na kylleng ka bri u Hynniewtrep, kiba la wan ban iashim bynta sha kane ka jingiakob.
Ki nongiashim bynta ba la wan ban bat ia ka kyrdan kaba ar bad kaba lai (first bad second runners up) ki long ba na ka liang ki shynrang ka leit sha u Pyndapborlang Sawkmie bad u Dawankhraw Kharsyntiew.
Ktba na na ka liang ki samla kynthei ka nam ba ar bad ba lai (first bad second runners up) ki long ka Batriti Myrthong bad ka Darityngkai Khonghat.
Nalor katta la sam ruh ia ki kato katne ki khusnam ha kaba u ïalamjingshai Mylliem u la rah ia ka nam Best Smile, u Easy Bor Sawkmie : Best personality, u Baniaineh Dkhar : Best Speaker, u Ridabiang Sungoh : Best Ramp Walk, katba u Erickson Kurbah u la rah ia ka nam Best Attire.
La pynbiang bad ban pyniapbiej ia kane ka janmiet ka long ka jingiaid pyni ki hep barit ha la ki jong ki jong ki riam ba tynrai ka jong ki, kaba da pyni shongkun shisha ia kane ka tamasa.
Na ka liang ki kynthei, kiba la rah ia kine ki khusnam ki kynthup ia ka Poikimon Suiam kaba la rah ia ka nam Best Smile, k Sanki Akor Tangsong : Best Personality, ka Balarisha Marbaniang : Best Speaker, ka Iadarisha Kharkongor : Best Ramp Walk bad ka Sakani Kyndiah ka la rah ia ka nam Best Attire.
Ha kane ka janmiet jong ka jingiakob bad ba pynut ia kane ka tamasa la wan ban ia sakhi lang da u bah Cyril V. Darlong Diengdoh, IAS, Secretary to the Government of Meghalaya bad u Swapnil Tembe, IAS, Director of School Education and Literacy, Government of Meghalaya.
Nalor katta la sakhi lang ruh da u President Seng Khasi Kmie Rgh O. Pyngrope, u Dolloi ka Elaka Jowai u ma Puramon Kynjin, ryngkat bad u paidbah byllein uba la hiar ban sakhi ia kane ka tamsa mynta ka snem.
Rah u Samuel bad ka Phibahunshisha ia ka nam Nai Khatsaw Synnia bad ka Lukhimai
