Shillong: Ka seng Treilang Sport and Cultural Club, Pongtung ka la plie paitbah ia ka Riwar Mihngi Game 2024 da ka MDC badonburom jong ka thain ka kong grace Mary Kharpuri ryngkat ka jingdon lang u president jong ka NPP Youth East Khasi hills district u bah Khrawbok Sohkhlet, u president ka Club u bah Ebinus Khongtiang bad ki riew rangbah ki long kmie kiba sakhi ha katei ka sngi.
Shwa ka jingialehkai la ioh ia ka jingkren na ka kongsan kaba la ban jur bad kyrpad ia ki samla ban kiar horkit hordang na ki jingdih ba pynbuaid. Ka la ban jur ban kiar raimew raidieng na une u jingdih u ban pynjot.
Ka jinglehkai jong ki khynnah hapoh 14 snem, ka Pynter Sport Club ka la jop ia ka Mawshun Sport and Cultural Club.
Ka club kan pynlong ha ki saw bynta, kata ka U-14, ka football ki kynthei, ka marathon bad ka football jong ki shynrang. Kane ka long ka kyrwoh na u bah Evanson Khongmawloh, General secretary STSCC Pongtung.
La plie pyrda ia ka Riwar Mihngi Game 2024 ha Pongtung
