Shillong: Lyngba ka hukum ka Sub Divisional Officer ka Pynursla Civil Sub-Division, ki pulit ka Pynursla kila hiar sha ka wah Umsong ban pynpra bad phah weng ia ka rukom riam bad kerkut iaki dohkha dohpnat haki bynta jong ka Wah Umsong hajan jong ka ka Shnong Nongryngkoh.
Ia kane ka jingpynpra la leh ha kane ka taiew, halor ki nongrim bad katkum ki Section 4(1)(2), Section 5(1) ka Indian Fisheries Act, 1897. Kane ka long ruh katkum ka Section 3 & Section 4 ka United Khasi Jaiñtia District Fisheries Act, 1954.
Ka bor District kaba don ia ka bor katkum ka Section 152B(1) (i) ka Bharatiya Nagarik Suraksha Sanhita (BNSS), 2023.
Ka Green Tech Foundation ka maham ia kino kino ki rukom riam pynduh pyndam iaki dohkha doh pnat haki Wah. Ha kajuh ka por ka la ai khublei ia ka SDO Pynursla bad ia ki pulit ka Pynursla kiba la leh ia kane ka bynta ban iada ia ki dohkha.
Hiar ki pulit ka Pynursla ban kyndar ia ka jingkerkut ia ki dohkha ha umsong
