Shillong: Hynnin ka sngi Lyngka, ka 27 tarik u Risaw 2024, ka Seng Kynthei, ka Seng Khasi Kmie, Mawkhar, Shillong, ka la pynlong ïa ka jingïalang ban pynkup burom ïa ki khun samla kynthei bad shynrang kiba la pass bha shakhmat ïa ki eksamin bapher bapher ki jong ki mynta ka snem.
Ïa kane ka jingïalang la pynlong ha Hall ka Seng Khasi, Mawkhar, ha kaba kongsan ba la wan ban ïa don lang dei Dr Soloni Bareh Associate Professor ka skul bah pule North Eastern Hill University (NEHU).
Nalor katta, la sakhi lang ruh da u President ka Seng Khasi Kmie, u Rgh O. Pyngrope, ki vice president Rgh P.D Nongrum, Rgh D.L Nongbri, u Rgh P.B Synrem General Secretary I/c, ki dkhot jong ka Jylli Pyrkhat Kam, ki dkhot ka Seng Kynthei, ki dkhot ki komiti treikam ka Seng Khasi Kmie, lem bad ki kmie ki kpa jong ki khynnah kiba la ïoh pdiang ïa ka khusnam.
Ha shwa ban sdang ïa kane ka prokram, la ïoh ïa ka kyntien pdiang sngewbha ba la ai da kong Anita Kharshiing, vice president, Seng Kynthei, jingdwai da I kong Silbi Passah (Padma Shree) ba dei ruh ka advicer, ka jingrwai na ka kynhun Na Tbian Ki Sur Hara, ka jingkren na u President Rgh O. Pyngrope bad kumjuh na kongsan Dr Soloni Bareh
Ha kane ka snem, la don haduh 18 ngut ki samla pule kynthei bad shynrang ba la pynkup burom ïa ki.
Pynkup burom ka seng kynthei Seng Khasi Kmie ïa ki khun samla ba pass bha
