Shillong: Saw ngut ki briew na ri Bangladesh kila shah kem ha ki BSF bad ki pulit ka Ri- Bhoi kiba la pyrshang ban rung tuh sha India.
Ia kine ki briew na Bangladesh la ioh kem na jaka talasi na Byrnihat, Ri-Bhoi district kiba wan rung lyngba ka Sylhet sha Assam sha Meghalaya.
Ia kine la ioh kem ha ka por 4:30 pm na kawei ka kali tourist kaba don number AS-01-GC-1071 kaba niah u Md Ali Hussain na Dhubri district Assam .
Kiba shah kem ki long u Md Mintu 39 snem na ka shnong Baroikhali, District Barishal, Bangladesh, u Md Runel 31 snem na ka Gupchor, Dhaka District Narayanganj, Bangladesh,
u Johirul 29 snem na Gupchor, Dhaka District Narayanganj Bangladesh, bad u Md Bilal 37 snem na Kamalpur P.S Kochbar District, Brahmanbaria Bangladesh.
Na kine la ioh kurup ki kot ki sla kiba thok bad lai tylli ki mobile phone. La pynngat mukotduma ha Nongpoh Police Station.
Shah kem 4 ngut kiba na ri Bangladesh ha Byrnihat ba rung tuh sha India na Assam
