Shillong: U symbud myntri rangbah ka jylla u bah Sniawbhalang Dhar uba peit ia ka tnad ka kit ka bah ula ong ba ka donkam sa kumba 16-17 akar eiei ka jaka ban pynheh ia ka kad liengsuin Umroi ban lah ban dem ki liengsuin ba kham heh.
Haba kren mynta ka sngi, u bah Sniawbhalang ula ong ba katkum ki dak ki shin ka don ka lad ban pynheh ia ka kad liengsuin ha Umroi bad ka sorkar jylla ka dang ap ban iasyllok bniah bad ka sorkar India halor kane namar ba ka dei ka nongbei pisa.
Ula ong ba lada lah, ka sorkar jylla ka kwah ba u myntri ka sorkar India un wan ban jngoh ia katei ka jaka.