Shillong: Ar tylli ki shanat trei kam jong Ka Khasi Students’ Union (KSU) mynta ka sngi 24 tarik Risaw 2024, kata Ka KSU Mawlai Circle ba la ialam da u Samla Biangbor L. Paliar u President KSU Mawlai Circle bad ka KSU NEHU Unit kaba la ialam da u Samla Sandy Sohtun u President KSU NEHU Unit bad kiwei kiwei ki dkhot na ka Unit, ki la ai jingthoh ha u Bah Brightstarwell Marbaniang u ba long MLA jong ka Mawlai constituency ban kyntu bad kyrpad na ka bynta ban phah maramot noh ha ka PWD (Roads) ia ka surok ha shi lynter ka lynti naduh na jingkieng Mawlai Kynton Massar ter ter shaduh ka Gate 5 jong ka skulbah NEHU.
Ka KSU Mawlai circle & NEHU unit ki la pynsngew ba ka jinglong jingman jong kane ka surok ka la jot rathai ha kaba la sakhi ha shilynter kaba buh jingma bad jingmynsaw ia ki nongshong shnong ba iaid ba ieng ha kine ki bynta bad khamtam eh ia ki samla pule bad kiba nongtrei jong skulbah NEHU.
Ujor ka KSU ha u MLA ka Mawlai ba jot palat ki surok ha Mawlai wat ban leit skulbah NEHU
