Shillong: U nongsumar Khasi uba dei ruh u nongai dawai kynbat, u bah Dlas Rani u don ka sap kaba kyrpang ba u blei ula ai ha u ban iarap ia ki para briew kiba pang ba shitom.
Une u nongsumar Khasi u don ka sap ban tip ia ka jingpang kaba don ha u briew tang da kaba shu saham da ka lyer ha ka kti bad ka jait jingpang aiu. Ym tang katta, u don ruh ka sap ban tip ia ka jingpang jong u briew kaba don ha ka met.
Une u nongsumar ula seng ia ka jaka hikai khleh dawai Khasi bad sumar ha Mawryngkneng, East Khasi Hills bad ia kane ka jaka sumar la plie u MP ka Rajya Sabha u Dr. Wanwei Roy Kharlukhi dang shen ha kane ka taiew.
Ka jingplie ia kane ka long ban bteng ia ka sap kaba u blei ula ai ha ki pateng ruh, khnang ba kan ym jah noh.
Ha kane ka sngi ba plie ia kane ka jaka sumar la pyniaid u bah Larsing Nongrum uba dei u President kane ka kynhun, ha ka jingdon lang u MDC barim ka JHADC u bah Marbud Kyndiah, ki nongshim dawai bad kiba haiing hasem.
U bah Dlas ula ioh ruh ia ka jingithuh na ka KHADC kum u nongsumar Khasi.
U nongsumar Khasi u don ka sap ban tip ia ka jingpang tang da kaba shu saham da ka lyer ha ka kti
