Shillong: Ka sorkar ka la rai ban shna ain ban pynlah ia ka University of Science and Technology of Meghalaya (USTM) ba kan lah ban treikam ia ka PA Sangma International Medical College. Ka la rai ban bynshet ha ka tnad ka kloit ka khiah ban wanrah da ka ain halor kane.
Haba pyntip halor ka rai ia kane mynta ka sngi, ka myntri ka tnad ka koit ka khiah ka jylla, ka kong Ampareen Lyngdoh ka la ong ba ka la ong ba ka don ka rai ka kashari Supreme Court kaba ai ai bor ba ki jylla ki lah ban shna ain ban bate ia ka jingphiah bhah ia ka jingpule doktor.
Katkum ka jingong ka myntri, ka jylla ka hap ban peit ia ka jingtreikam kane ka college, katkum ka ain bad la bud katkum ba leh lem kiwei ki jylla bad ia ki jingdonkam baroh, yn pyndep shwa ban kut une u bnai Risaw.
Ki don ki jylla kiba mang bhah kyrpang 60, don kiba 40 bad katkum ka jingpynshong nongrim.
Ka sorkar ka la iakren ruh halor ki kyndon ban pdiang pule doktor MBBS Course Rules 2024 bad ban buh ia ka Meghalaya State Counselling Authority.
Ka jingpdiang bad ka jingmang bhah ha ka jingpule doktor ha ka P A Sangma Medical College ka USTM lane ha kano ka Medical College shimet nangne shakhmat yn bud katkum ka MBBS Course Rules 2024.
Ka Meghalaya State Counselling Authority kan pyniaid ia ka jingai jinghikai na bynta kiba pule doktor MBBS ban pynthikna ba ka jingjied kan long katkum ka jingioh mark ha ka NEET bad katkum ka State Reservation Policy.
Yn shna ain shwa ka sorkar halor ka PA Sangma Intl. Medical College ha USTM
