Shillong: Ka Jaintia National Council (JNC) Khliehriat Circle mynta ka sngi hapoh ka jingialam u General Secretary bah Symboh Sumer, ka la buh jingthoh ha ka ophis u DC ka East Jaintia hills District Khliehriat, u S. Awasthi ban pynduna ia ka jingbam pum pum ki paidbah uba mih na ka surokbah NH6.
Ha Ka jingthoh ka seng kala pynbor ruh ia ka NHAI ban maramot kloi ia une u surok khamtam ba kane ka dei ka aiom rkhiang kaba ailed ban pynbha ia ka surok.
Kum ban shu pynkynmaw ba ha une u Snem ba la dep, ka seng ka la ujor shaduh sha ka Tnat Ministry Jong ka Road transport and Highway ba dei ban maramot noh ia u surok NH6 bad ka NHAI ka la ai jubab da kaba ong ba la dep ban phah ia ki ar tylli ki contractor kata ka SL infra Ltd bad ka MR Ltd ban maramot noh ia u surok NH6 naduh Jowai shaduh Ratacherra.
Halor katei ka phang, u DC u la kular hakhmat ka seng ban leh ia kaba donkam bad un sa shimkhia ia kane ka jingdawa jong ka seng.
Ujor ka JNC ha u DC ba bam pum pum ki paidbah na ka surok NH6
