Shillong: Ki dawai bad kynbat Khasi, ki dei kiba pawnam ym tang ha kane ka jylla hynrei Shabar ri ruh kumjuh, watla kim don kata ka scientific method hynrei ki briew kylleng kila shaniah bad ki ioh ia ka jingkoit.
Mynta ka sngi, ka 17 tarik Risaw 2024, la pyndon burom ia ka jaka sumar bad hikai khleh dawai Khasi kaba dei jong u bah Dlas Rani ha Mawryngkneng, East Khasi Hills.
Ka jia ryngkhat ruh ba ha kane ka sngi, ka dei ruh ka sngi kha kaba 75 snem jong u bah Dlas bad ka jingshakri kum u nongai dawai Khasi ha ki 45 snem.
Ia kane ka jaka sumar Khasi bad kynbat dawai, la plie da u MP ka Rajya Sabha u Dr. Wanwei Roy Kharlukhi ha ka jingsakhi lang ki para nongai duwai Khasi, ki nongshah sumar bad kiban shah hikai.
Kane ka jaka hikai sain dawai la pyniaid u bah Dlas ryngkat ka jingiatreilang bad kiwei ki riew rangbah.
Haba kren ha kane ka prokrsm, u bah Dlas ula pyni bad ai ka jingtip katto katne shaphang ka sap kaba u blei ula ai ha u, ha kaba u lah ban sngewthuh ia kano kano ka jingpang ha u briew tang da kaba peit na ki kti ne saham na shyntur. Da ki spah bad hajar ngut kiba la ioh ia ka jingkoit na ka jingsumar jongu bad wat naduh bar ri, ruh ki wan shah sumar khnang nalor kylleng kiba napoh ka ri India.
La pyniaid ia ka jingialang da u President ka Rani Herbal Khasi Hospital, bah Larsing Nongrum. La ioh ruh ia ka jingkren na u bah Marbud Kyndiah, MDC barim ka JHADC, nalor kiwei pat.
U nongwai dawai Khasi bat rei jarjar, la khot shaduh Norway, Nepal ruh
