Shillong: Ka jingialang ka kynhun myntri mynta ka sngi, ka la mang T. 2 lak na bynta ban pyntreikam ia ka ain shongwai ne ka Meghalaya Residents Safety & Security Act (MRSSA).
Ia kane ka 2 lak tyngka yn buh ha ki Deputy Commissioner ba kin peitngor ha kaba pyntreikam ia ka MRSSA, na bynta ban iarap ia ki dorbar shnong.
Haba kren halor ki rai ka kynhun myntri mynta ka sngi, ka myntri ka sorkar jylla, ka kong Ampareen Lyngdoh ka la ong ba ym lah ban pyntreikam ia kane ka ain khlem ka jingmang pisa namar ba kin don ki Task Force ha man ki district.
Ka la ong ba ka jingpyntreikam kan sdang noh kloi katba lah ha kaba kane ka ain, kin don bynta lang ki dorbar shnong. Ia kane ka jingmang pisa, kan pynheh na ka por sha ka por na bynta ban thied ia ki jingdonkam.
Mang ka sorkar T.2 lak ban pyntreikam ia ka ain shongwai MRSSA
