Shillong: Mynta ka sngi, la plie paidbah ia ka dukan die electric motor ne ar shaka kaba thymmai ha Nongshiliang, Nongthymmai, Shillong, kaba kyrteng ka Queency Motors.
Ia kane ka Queency Motors la dei trai ka kong Queency Passah kaba dei para jong kong Silbi Passah ba la ioh ia ka khusnam Padma Shree. La sakhi lang ha kane ka sngi da ka jingdon ki paralok, kiba haiing.
Ka Queency Motors ka dei kaba iateh paralok jong ka kompeni Ather Energy kaba don ha Bangalore, kaba dei ka kompeni kaba heh tam ha India ban pynmih ia ki electric scooters. Ki jai tar shaka kiba la pynmih kane ka kompeni ki long ka Ather Ritza, Ather Apex, Ather 450S bad Ather 450X.
Kiba thied ia kine ki arshaka electric kin ioh jingiarap kumba T. 10 hajar ha ka 1KWH ne One kilowatt-hour kaba iaryngkat 1 hajar watt na ka sorkar Meghalaya. Ki scooters jong kane kane ka kompeni ki don kiba 2.9 KWH bad 3.7 KWH ka battery bad kiba thied ki lah ban ioh jingiarap ne subsidy haduh T. 29 hajar bad T. 37 hajar.
Kiba don jingmut ki lah ruh ban leit pyrshang niah ha Queency Motors, Nongshilliang, Nongthymmai.
Kiba thied electric scooter na Queency Motors, yn ioh jingiarap 37 hajar na ka sorkar
