Shillong: Hadien da ki phew tylli snem, na ki 15 tylli ki shnong kiba don ha ka thain Block 2, kumba 8 tylli ki shnong ki la ioh ban pdiang ia ki kam pynroi ha ki shnong ki jong ki, kaba kitei ki kam pynroi kaba ki la ioh kadei na ka bynta ban tei ia ki ïing Skul kaba la pynmang kyrpang na ka Chief Minister Special Development Fund, mar T. 8 Lak ia kawei ka Skul, kaba la aiti ia ki Workorder ha ka 15 Tarik Risaw 2024 ha iing Dorbar Shnong jong ka Shnong Umlaper ha ryngkat bad ka Song Pisa kaba mar mar T. 50,000/- kaba la noh synniang kyrpang da u MLA/MDC ka Mawhati Constituency na ka bynta ban kyrsan ban Siew Tulop Sha ki Nonghikai, kaba ia kane ka T. 50,000/- hajar na ka liang U Bah Charles Marngar un Synniang ha man la ka Shisien shisnem sha kine ki baroh 8 tylli ki shnong.
Kine ki 8 Tylli ki shnong kiba la ioh ia kane ka jingiarap ki Kynthup ia ka Shnong Umsder, Pdengtleit, Ummat 1, Ummat 2, Umlaper, Umhi, Sabuda bad ka Khliehumwang. Kine ki 8 tylli ki shnong baroh shi katta kim don ia ka iing skul lade, hynrei ki la shu pynlong ha ki iing dorbar Shnong ba la shu ai sngewbha da ka shnong bad don ruh kiba la shu shna hi da ki siej bad tap tin malu mala.