Shillong: Ka Khasi Students Union (KSU) East Jaintia Hills kala sam ia ki kot lyngkdop sha ki paidbah, ki samla pule bad ki khynnah skul ban pynsngewthuh halor ka jingdonkam ban sain dur thymmai ia ka tnad Meghalaya Public Service Commission (MPSC), hadien ba ka la mih ka jingkynrum kynram.
Ki dkhot ka seng kila pyllong ia ka jingsam ia kane ka kot lyngkdop kum shi bynta ha ka jingiakhun ban dawa na ka sorkar jylla ban pynthymmai ia ka rukom treikam kane ka tnad thungkam kaba heh tam ha ka jylla.
Shwa ia kane, ka seng ka la sam ruh ha nongbah Shillong ha u bnai ba la dep kum shibynta ban wanrah ka jingkhuid ha ka rukom thungkam ia ki samla lyngba ka eksamin bapher ba pynlong da ka MPSC bad ban pynshai ia ki paidbah halor ki 20 tylli ki mat treikam ban pynkylla bad pynbeit ia ka rukom treikam jong ka MPSC.
Ha ka kot lyngkdop ka KSU ka la kdew ia ki 20 tylli ki mat kiba ka sorkar jylla kadei ban shimkhia mardor ban pynbeit iaka rukom treikam jong ka MPSC khnang ba ka jingthungkam kan long kaba khuid ba suba bad ba kan ym don kano kano ka jingleh buittuh bad ki mat kiba ka ai jingmut ki kynthup ba ki nongaplai kam kidei ban long kiba shong basah ha Meghalaya bad ki hap tip ia ka ktien Khasi bad Garo, ban pynlong ia ka Combined Competitive Examination ia ki kam kiba dei ha kajuh ka jingsiew bad ka kyrdan, MCS/MPS bad kiwei ki post nalor kiwei pat ki mat.
Sa ha East Jaintia pynsgewthuh ka KSU da ki kot lyngkdop ban saindur ia ka MPSC
