Shillong: Ka Election Commission of India (ECI) mynta ka sngi Ba-ar, kala pynbna ba ka elekshon shiteng samoi jong ka Gambegre Constituency, ba kan long ha ka 13 tarik Naiwieng ban wan.
Ka ECI kala pynbna ia kane ha ka jingiakynduh ia ki lad pathai khubor hynne ka sngi ha Vigyan Bhawan, New Delhi ban pynbna ia ka elekshon ka Maharashtra bad Jharkhand.
Ka pyntip ba ka elekshon Legislative Assembly ha Maharashtra kaba don 288 tylli ki konsttwensi, kan long shisien long ha ka 20 tarik Naiwieng katba ha Jharkhand kan long ha ki artylli ki phase kata ka phase-I ha ka 13 tarik Naiwieng bad ka phase-II kan long ha ka 20 tarik Naiwieng.
Ka jingthep kyrteng kan plie naduh ka 18 tarik Risaw haduh 25 tarik Risaw 2024.
Ka jingniew ia ki vote jong kine ki elekshon kynthup ka Gambegre, kan long ha ka 23 tarik Naiwieng. Ia ka elekshon shiteng samoi ha Gambegre la hap ban pyllong hadien ba la risain u Saleng A Sangma hadien ba ula jop kum u MP ka Tura.
13 tarik thep vote ha Gambegre, 23 tarik Naiwieng yn niew ha Gambegre, pynbna ka ECI
