Shillong: U myntri rangbah ka jylla u Conrad K Sangma ula law ia u tie bad ka sopti rem ban iashim bynta ha ka jingpynkhuid ia ka lynti synkieng shi bynta jong ka Swachhata Hi Seva (SHS) 2024.
Ia kane ka jingpynkhuid la pyllong mynta ka sngi ha sor Tura, West Garo Hills District.
U myntri rangbah ula shim ia u synsar ban pdem ha ka um shun ban niah ha ki kynroh, ki maw shi bynta ban pynkhuid ban pynitynnad ia ka lynti na iew Tura Super Market Complex.
Ia kane ka Swachhata Hi Seva (SHS) 2024 la sdang ha ka 17 tarik Nailur bad la pynkut ha ka 2 tarik Risaw 2024.
Hynrei u myntri rangbah ula iashim bynta ha ka jingpynkhuid bad ka jingpynitynnad namar ba ka jingleh khuid kam dei tang shi sngi hynrei ka dei ban iai bteng ha ka jingim jong ki briew.
Kiba iashim bynta lang ha kane ka jingpynkhuid ki kynthup ia u Deputy Commissioner, West Garo Hills bad kiwei ki ophisar kane ka distric lem bad ka Tura Municipal Board.
Niad shun u Conrad ha kynroh ka iew Tura, shi bynta ka Swachhata Hi Seva
