Shillong: Ka All India Football Federation (AIFF) ka la jied ia u Bah Bobby L Nongbet na ka bynta ‘ Elite Coaches Football Course’ kaban long ha Mumbai.
U Bah Bobby u la shah jied kum shi bynta ban pyntbit ha ki kam hikai football bad ban kyntiew ia ka jinghikai ialehkai football ha ka jylla.
U bah Bobby u dei u A- Licensed Coach bad u ba la pyndep ia ka International Coaching Diploma na Budapest, Hungary.
Kumta u la shah khot kyrpang ban shim bynta ka kane ka Coaching Program ba lah jied da ka AIFF.
Kum ban pynkynmaw, u Bah Nongbet u la long uwei na ki Coach ba lah iohrah ia ka nam ‘ AIFF bad AIFC Best Youth Coach Award’ ha u snem 2018.
Kane ka Coaching Program kan long naduh 10 haduh15 tarik mynta u bnai u Risaw, 2024.
Ha kane ka Coaching Programme ki Coach bapher bapher ka Ri India kin don bynta lang ban ioh ia kane ka jinghikai.
Jied ka AIFF īa u Bah Bobby na ka bynta ka Elite Coaches Football Course
