Shillong: Ki samla kiba la pass ia ka eksamin kam Nurse, kaba la pyniaid ka Examination Board ka tnad Directorate of Health Services (DHS) ka jylla, kila kyrpad ba kan pynsted ban pyndep ia ka jingthungkam ia kiba la pass ia ka eksamin.
Dang shen, ka la don ka jingkynnoh ba ka jingpyniaid ia ka eksamin kam long kaba khuid.
Haba pynpaw ba ka eksamin ka long kaba khuid, mynta ka sngi 7 tarik Risaw 2024, kine ki samla kila kam ba ka rukom pyniaid ia ka eksamin ka long kaba khuid bad tang kiba lah shisha kiba pass ia ka eksamin.
Kila ong ruh ba ia ki mark jong baroh 5000 ngut eiei kiba ialeh, la pyllait paidbah da ka Examination Board ka DHS bad ka Board kala dep pynshai ruh halor ka jingkynnoh ba don kiba pass khlem leit thoh eksamin.
Kila kyntu ia ka sorkar ba kan pynsted noh ban pyndep ia ka jingthungkam kumba ka la pynbna.
Pyndep noh ia ka jingthungkam kumba la pyndep ia ka eksamin, ong ki samla pass ia ki kam Nurse
