Shillong: U MLA ka Pynthorumkhrah u bah Alexander L Hek u la ong ba ka jingpyndep ia ka muri ha khap ka skul BDW International skul ha Nongmensong, kan shim por kumba 4-5 bnai eiei.
Ia kane u la ong mynta ka sngi hadien ba ka muri ha katei ka jaka, ka la orpait ha kane ka sngi u Blei, haduh ba hap ban khang iaid kali na katei ka jaka.
U bah Hek u la ong ba la dep khot wut wut ia u enjiniar mar syn jia ha ka sngi u Blei ban pynbeit ia kane ka jingorpait. U la ong ba ka jingorpait kam dei ka jingkieng hynrei kaba orpait ka dei tang ka muri. U la ong ba kam don satia kano kano ka jingkhang ia kane ka surok bad la plie ban iaid kali bad ka kam ka dang iaid shaid shaid bad ym lah ban kynnoh ia u kontraktor ne enjiniar hynrei lada dei ba la dep ban shna lada ka orpait, ne ka twa, kata ka shong da kumwei pat.
Orpait tang ka muri, ym dei ka jingkieng ha BDW International skul ha Nongmensong, ong bah Hek
