Shillong: Ban khring shuh shuh ia ki nongwankai sha thain Sohra, ka kompeni ka sorkar ka North East Electricity Power Corporation (NEEPCO) ka la pynmeh ding ha jingkieng Duwan Sing Syiem ha Mawkdok, shi bynta na ka projek ban wanrah ia ka jingkhuid ha katei ka thain kaba hap ha ka shnong Dympep.
Ka NEEPCO ka la ting na bynta shi snem ia katei ka jaka jngohkai kaba hap ha ka shnong Dympep shi bynta jong ka projek Swachhta Hi Sewa campaign 2024. Ia kane, ka NEEPCO ka la leh hadien ba u Director (Personnel), Major General u RK Jha ula ioh ban iasyllok bad ki briew katei ka thain.
Ha kane ka samoi, ka NEEPCO kan pyllong ia katei ka jaka kaba khuid, kaba jlih kaba lait na ki jaboh jabain ryngkat ka jingiatreilang bad ka shnong Dorbar Shnong Dympep.
Shi bynta halor kane ka jingthmu, ka NEEPCO ka la pyllait ia ka Shwachatta Hi Divas ha ka 2 tarik Risaw 2024.
Ka la thung dieng ruh ban rakhe ia kane ka sngi bad ka la sam borti theh niut ruh sha ki nongsong dukan ha katei ka jaka.
Pynmeh ding ka NEEPCO ha jingkieng Duwan Sing ha mawkdok
